Падзеі, факты, анонсы

15 жніўня, Мінск /Кар. БЕЛТА/. Беларускі экіпаж жаночай байдаркі-двойкі ў складзе Надзеі Ляпешка і Марыны Літвінчук без праблем кваліфікаваўся ў фінал Алімпійскіх гульняў на дыстанцыі 500 м, паведамляе карэспандэнт БЕЛТА.

У саперніцтве з шасцю экіпажамі беларускі фінішавалі першымі ў сваім паўфінальным заездзе з рэзультатам 1 мін. 42,285 сек. Для выхаду ў вырашальны этап спаборніцтваў дастаткова было ўвайсці ў тройку мацнейшых. Раней Надзея Ляпешка і Марына Літвінчук паўдзельнічалі ў папярэднім заездзе, дзе сталі чацвёртымі з рэзультатам 1 мін. 44,835 сек.

Фінальны заезд жаночых байдарак-двоек на дыстанцыі 500 м намечаны на 16 жніўня. Ён пройдзе днём па мінскім часе (пачатак у 15.23).

На Алімпіядзе-2016 у веславанні на байдарках і каноэ Беларусь будуць прадстаўляць толькі жанчыны з-за адхілення мужчынскай каманды Міжнароднай федэрацыяй каноэ незадоўга да Гульняў. Беларускі таксама будуць спаборнічаць у Рыа ў класе байдарак-адзіночак на дыстанцыі 500 м і ў байдарках-чацвёрках на 500 м.-