Падзеі, факты, анонсы
Мінінфарм аб'яўляе прыём заявак на літаратурны стартап LitUP
Фота з архiва
11 студзеня, Мінск /Кар. БЕЛТА/. Мінінфарм аб'яўляе прыём заявак на трэці рэспубліканскі літаратурны стартап LitUP. Аб гэтым БЕЛТА паведамілі ў ведамстве.
Асноўнай мэтай праекта з'яўляецца пошук, падтрымка і папулярызацыя новых перспектыўных беларускіх аўтараў і праектаў. Яго асаблівасць у тым, што ўдзел могуць прыняць як знакамітыя аўтары з вялікай бібліяграфіяй, так і пачаткоўцы.
Цікавасць да конкурсу расце, пашыраецца геаграфія ўдзельнікаў, з кожным годам прыходзіць усё больш работ з розных рэгіёнаў Беларусі. І цяпер LitUp зноў прапануе ўсім жадаючым паспрабаваць свае сілы, запаліць сваю творчую зорку.
У стартапе могуць прыняць удзел знакамітыя аўтары з вялікай бібліяграфіяй і пачаткоўцы.
Работы на першы этап конкурсу трэба прысылаць з 11 студзеня па 24 лютага (уключна) на электронную пошту projects.zviazda@gmail.com, паштовым адпраўленнем або на адрас: г. Мінск, вул. Фрунзэ, 5, ГА "Саюз пісьменнікаў Беларусі".
Намінацыі конкурсу: паэзія, проза, дзіцячая літаратура, літаратура для падлеткаў, нон-фікшн.
Па выніках другога этапу конкурсу журы, у склад якога ўваходзяць дырэктары вядучых дзяржаўных выдавецтваў, выберуць фіналістаў. Фінал конкурсу адбудзецца 25 сакавіка ў рамках ХХХ Мінскай міжнароднай кніжнай выставы-кірмашу.
Пераможцы конкурсу атрымаюць прыярытэтнае права на выданне сваёй кнігі ў выдавецтвах Рэспублікі Беларусь тыражом да 1000 экз.
Акрамя таго, на ХХХ Мінскай міжнароднай кніжнай выставе-кірмашы будуць прэзентаваны кнігі пераможцаў літаратурнага стартапа мінулых гадоў.
Упершыню конкурс прайшоў у рамках XXVIII Мінскай міжнароднай кніжнай выставы-кірмашу. На конкурс было пададзена больш за дзвесце заявак як ад ужо вядомых аўтараў, так і ад пачаткоўцаў. Пры ацэнцы праектаў улічваліся мастацкае майстэрства, самабытнасць аўтарскага стылю, актуальнасць тэмы, арыгінальны падыход да выкладання матэрыялу.
Па выніках мінулага конкурсу выдадзены кнігі Кацярыны Залескай - "Чароўныя сны Зузачкі", "Зузачка супраць вірусаў", Людмілы Адзінцовай - "Мая комплексная сястра", Іны Зарэцкай - "Я буду ратавальнікам". Да выдання таксама рыхтуецца кніга Дар'і Нейжмак.
версія для друку
зрабіць стартавай
дабавіць у выбранае