Падзеі, факты, анонсы

Марыя Мартынава заваявала серабро на ЧЕ па стральбе ў Італіі

Марыя Мартынава, Ніна Крыстэн і Ені Стэне. Фота Беларускай федэрацыі стралковага спорту

24 верасня, Мінск /Кар. БЕЛТА/. Беларуска Марыя Мартынава выйграла серабро чэмпіянату Еўропы па стральбе з малакалібернай зброі, які праходзіць у Балоньі і Тальмедза (Італія) 16-26 верасня, а таксама стала ўладальніцай алімпійскай ліцэнзіі, паведамляе карэспандэнт БЕЛТА.

Шчаслівым для беларускі стала практыкаванне МВ-4 сярод жанчын (стральба з малакалібернай вінтоўкі з 50 м у трох становішчах). Марыя змагла зарабіць 456,9 ачка і, акрамя сярэбранай узнагароды, стаць уладальніцай алімпійскай ліцэнзіі ў гэтым відзе праграмы. На п'едэстал таксама ўзышлі стаўшая чэмпіёнкай швейцарка Ніна Крыстэн (460,6) і нарвежка Ені Стэне (444,9).

У спаборніцтвах мужчын Беларусь прадстаўляюць Ілья Чаргейка, Віталь Бубновіч і Юрый Шчарбацэвіч (усе - вінтоўка). У спаборніцтвах жанчын выступаюць Марыя Мартынава, Святлана Шчарбацэвіч (абедзве - вінтоўка) і Вікторыя Чайка (пісталет).

Паралельна са спаборніцтвамі дарослых стралкоў барацьбу за ўзнагароды чэмпіянату Еўропы вядуць юніёры. Беларусь у стартах гэтай узроставай групы прадставяць Юльяна Рогач і Абдул-Азіз Курдзі, якія спецыялізуюцца ў стральбе з пісталета.

версія для друку

зрабіць стартавай

дабавіць у выбранае