Падзеі, факты, анонсы

Марозава і Крысціян выйшлі ў 1/4 фіналу парнага разраду турніру ў Стамбуле

20 красавіка, Мінск /Кар. БЕЛТА/. Беларуская тэнісістка Лідзія Марозава і амерыканка Кейтлін Крысціян выйшлі ў чвэрцьфінал парнага разраду турніру ў турэцкім Стамбуле, паведамляе карэспандэнт БЕЛТА.

У матчы 1/8 фіналу Марозава і Крысціян абыгралі ў двух сэтах амерыкана-французскі дуэт Інгрыд Ніл / Эліксан Лечэмія - 6:4, 6:3.

Лепшая беларуская тэнісістка чацвёртая ракетка планеты Арына Сабаленка таксама паспяхова стартавала ў парным разрадзе турніру нямецкім Штутгарце. У першым раўндзе беларуска і іспанка Паўла Бадоса перайгралі аўстралійска-туніскі тандэм Элен Перэс / Унс Джабір - 7:5, 7:5. Заўтра Арына Сабаленка стартуе ў адзіночным разрадзе. У паядынку 1/8 фіналу яе саперніцай будзе прадстаўніца Канады Б'янка Андрэеску (121-ы нумар сусветнага рэйтынгу).

На старце мужчынскага турніру ў іспанскай Барселоне беларус Ілья Івашка (44) перамог іспанца Педра Марцінеса (43) - 6:4, 7:6 (7:4). У 1/16 фіналу Івашка сустрэнецца з пятай ракеткай свету грэкам Стэфанасам Цыцыпасам. Яшчэ адзін беларускі тэнісіст Ягор Герасімаў (155) пасля стартавай вікторыі над французам Адрыянам Манарына (68), уступіў у другім крузе дзясятаму нумару сусветнага рэйтынгу брытанцу Кэмерану Норы - 7:5, 4:6, 4:6.

Турніры ў Стамбуле, Штутгарце і Барселоне завершацца 24 красавіка.

версія для друку

зрабіць стартавай

дабавіць у выбранае