Падзеі, факты, анонсы
Марадона наведае 16 ліпеня матч чэмпіянату Беларусі з удзелам брэсцкага "Дынама"
4 ліпеня, Мінск /Кар. БЕЛТА/. Вядомы футбаліст Дыега Марадона наведае матч чэмпіянату Беларусі 16 ліпеня, у якім брэсцкае "Дынама" прыме салігорскі "Шахцёр". Гэту інфармацыю карэспандэнту БЕЛТА пацвердзілі ў прэс-службе дынамаўскага клуба.
"Магчымасць прыезду ў Беларусь Дыега Марадона пацвердзіў 3 ліпеня. Цяпер праграма яго знаходжання распрацоўваецца і пра дэталі будзе паведамлена дадаткова", - расказала прэс-сакратар "Дынама-Брэст" Вольга Хіжынкова.
Як паведамлялася, аргенцінец Дыега Марадона падпісаў трохгадовы кантракт з футбольным клубам "Дынама-Брэст" і ўступіў на пасаду старшыні праўлення клуба. Ён будзе займацца пытаннямі стратэгічнага развіцця каманды, а таксама ўзаемадзейнічаць з усімі яго структурнымі падраздзяленнямі, уключаючы дзіцячую акадэмію брастаўчан.
версія для друку
зрабіць стартавай
дабавіць у выбранае