Падзеі, факты, анонсы

3 лістапада, Мінск /Аліна Грышкевіч - БЕЛТА/. Намеснік міністра замежных спраў Беларусі Алена Купчына 3 лістапада сустрэлася з Надзвычайным і Паўнамоцным паслом Швецыі ў Беларусі Марцінам Обергам. Аб гэтым БЕЛТА паведамілі ў прэс-службе МЗС.

Сустрэча адбылася па ініцыятыве беларускага боку. Па даручэнні Прэзідэнта Беларусі шведскаму дыпламату перададзены збор твораў беларускай пісьменніцы, лаўрэата Нобелеўскай прэміі па літаратуры 2015 года Святланы Алексіевіч.

Бакі разгледзелі актуальныя пытанні развіцця беларуска-шведскіх адносін, а таксама дыялогу па лініі Беларусь-Еўрасаюз. Адбыўся абмен думкамі па пытаннях актывізацыі двухбаковага супрацоўніцтва ў палітычнай, гандлёва-эканамічнай і культурнай сферах.