Падзеі, факты, анонсы
Культурнай сталіцай Беларусі ў 2020 годзе стане Ліда
26 красавіка, Мінск /Кар. БЕЛТА/. Культурнай сталіцай Беларусі ў 2020 годзе выбрана Ліда. Такая інфармацыя размешчана на сайце Міністэрства культуры, паведамляе БЕЛТА.
Рэспубліканская акцыя "Культурная сталіца года" праводзіцца Міністэрствам культуры і зацікаўленымі з 2010 года. У кожным з гарадоў, якія былі аб'яўлены культурнай сталіцай, рэалізуюцца інавацыйныя праекты па прэзентацыі культурнай самабытнасці гэтых гарадоў, развіцці і папулярызацыі традыцый і дасягненняў нацыянальнай культуры, актывізацыі творчай ініцыятывы, павышэнні турыстычнай прывабнасці рэгіёнаў. Галоўная мэта - азнаёміць жыхароў краіны з лепшымі дасягненнямі нацыянальнай культуры, прыцягнуць айчынных і замежных турыстаў у рэгіёны.
Першым статус культурнай сталіцы Беларусі ў 2010 годзе атрымаў горад Полацк. У 2011 годзе эстафету прыняў Гомель, потым Нясвіж (2012), Магілёў( 2013), Гродна (2014), Брэст (2015). У 2016 годзе тытул "Культурнай сталіцы Беларусі" быў у Маладзечна, у 2017 годзе - Бабруйска, у 2018-м - Наваполацка. Ганаровы статус 2019 года - у Пінска. Калегіяй Міністэрства культуры прынята рашэнне аб наданні статусу "Культурная сталіца года" ў 2020 годзе Лідзе.
Ліда - культурны і прамысловы цэнтр Беларусі, другі па велічыні горад у Гродзенскай вобласці. Яго візітнай карткай з'яўляецца Лідскі замак, помнік абарончага дойлідства XIV стагоддзя.
Сферу культуры горада прадстаўляюць 7 дзяржаўных устаноў, дзейнічае 36 непрафесійных (аматарскіх) калектываў мастацкай творчасці з найменнямі "народны", "узорны", два маюць ганаровае званне "Заслужаны аматарскі калектыў Рэспублікі Беларусь".
Штогод у Лідзе праводзіцца звыш 3 тыс. творчых мерапрыемстваў. Сярод раённых і гарадскіх свят, фестываляў і конкурсаў добра вядомымі сталі "Калядны фестываль у Лідскім замку", фестываль сярэдневяковай культуры "Меч Лідскага замка", рэспубліканскі фестываль-конкурс дзіцячага мастацтва "Лідскі вянок", абласны джазава-эстрадны фестываль-конкурс "Птушка", рэгіянальныя фестывалі-конкурсы дзіцячай аматарскай харэаграфічнай творчасці "Хрустальны чаравічак", дзіцячага вакальна-эстраднай творчасці "Зорны дождж" і многія іншыя.
версія для друку
зрабіць стартавай
дабавіць у выбранае