Падзеі, факты, анонсы

Кітайская авіякампанія запускае рэйсы Мінск - Сіань

Фота з архiва

10 снежня, Мінск /Кар. БЕЛТА/. Кітайская авіякампанія Air China дабаўляе ў сваю маршрутную сетку новы напрамак з Сіаня ў Мінск. Першы рэйс запланаваны на 28 снежня, паведамілі БЕЛТА ў прэс-службе Нацыянальнага аэрапорта Мінск.

Прамыя рэгулярныя рэйсы будуць выконвацца раз у тыдзень па суботах на авіялайнеры Airbus A330-200. Адпраўленне з Сіаня - 14.20, прыбыццё ў Мінск - 18.40. Адпраўленне з Мінска - 20.40, прыбыццё ў Сіань - 10.00 (прылёт на наступны дзень). Час пазначаны мясцовы. Білеты можна набыць на сайце авіякампаніі або ў касе афіцыйнага прадстаўніка Air China ў Мінску (Няміга, 5, офіс 501).

Рэйс будзе зручным і для пасажыраў, якія накіроўваюцца ў Пекін або ляцяць з яго. Рэйсы Мінск - Сіань і Сіань - Мінск з'яўляюцца прамымі, але з магчымасцю падарожжа ў сталіцу Кітая і назад. Рэйсы СА813 Пекін - Мінск і СА814 Мінск - Пекін выконваюцца з прыпынкам у Сіані. Адпраўленне з Пекіна - 10.00, прыбыццё ў Мінск 18.40 (з прыпынкам у Сіані дзве гадзіны). Адпраўленне з Мінска - 20.40, прыбыццё ў Пекін - 14.50 (з прыпынкам у Сіані 2,5 гадзіны). Час пазначаны мясцовы. Білеты можна набыць на любы з сегментаў асобна.

Выконваючы абавязкі генеральнага дырэктара Нацыянальнага аэрапорта Мінск Вадзім Праўлоцкі адзначыў: "У партнёрстве з авіякампаніяй Air China адкрываем новы кітайскі напрамак з мінскага аэрапорта, што безумоўна радуе. Гэта дасць нашым пасажырам яшчэ больш магчымасцей азнаёміцца з багатай гісторыяй Кітая. Упэўнены, што напрамак будзе паспяховым, у тым ліку і як маршрут дзелавога турызму, інтарэс да гэтай краіны пастаянна расце".

Сіань - буйны горад у цэнтральнай частцы Кітая і сталіцы правінцыі Шэньсі. Горад існуе больш за 3100 гадоў, некаторы час ён з'яўляўся самым буйным (як па плошчы, так і па колькасці жыхароў) горадам свету. Сіань - адзін з самых знамянальных гістарычных і культурных цэнтраў Кітая. Старая назва горада, Чан'ань, у перакладзе значыць "доўгі мір". Тут жылі каралеўскія дынастыі Чжоу, Цынь, Хань, Тан і знаходзіўся ўсходні канец Вялікага шаўковага шляху. На месцах археалагічных раскопак у наваколлі горада былі знойдзены старадаўнія грабніцы, сярод якіх знакаміты маўзалей Цынь Шыхуандзі з тэракотавай арміяй.

версія для друку

зрабіць стартавай

дабавіць у выбранае