Падзеі, факты, анонсы

Конкурс фільмаў "Лістападзік" стартуе ў кінатэатры "Піянер" 2 лістапада

Фота з архiва

1 лістапада, Мінск /Кар. БЕЛТА/. Урачыстае адкрыццё конкурсу фільмаў для дзіцячай і юнацкай аўдыторыі "Лістападзік" адбудзецца 2 лістапада ў кінатэатры "Піянер". Аб гэтым заявіла на прэс-канферэнцыі старшыня Беларускай гільдыі акцёраў кіно, заслужаная артыстка, старшыня журы конкурсу Святлана Сухавей, перадае карэспандэнт БЕЛТА.

"Запрашаю ўсіх на "Лістападзік", які пачнецца 2 лістапада. На конкурс адабраны сем вельмі розных фільмаў з Беларусі, Расіі, Харватыі, Іспаніі, Мексікі і Бразіліі", - сказала Святлана Сухавей.

"У мінулым годзе я таксама ўзначальвала журы і атрымала вялікі вопыт узаемадзеяння з дзецьмі. Я паглядзела, што ім цікава. У нас не супалі любімыя фільмы, і мне былі вельмі цікавыя прычыны іх выбару", - дадала старшыня журы конкурсу.

"Думаю, журы знойдзе агульную мову і выбера сапраўды дастойны фільм, які кранае душы і гаворыць аб важных рэчах, даступных не толькі дарослым, але і дзецям. Цікава, ці супадуць нашы меркаванні з юнымі гледачамі на гэты раз", - рэзюмавала Святлана Сухавей.

версія для друку

зрабіць стартавай

дабавіць у выбранае