Падзеі, факты, анонсы

Ягор Герасімаў і Аляксандр Згіроўскі выйшлі ў 1/8 фіналу тэніснага турніру ў Астане

Фота з архiва

25 ліпеня, Мінск /Кар. БЕЛТА/. Два беларускія тэнісісты выйшлі ў другі раўнд турніру серыі Challenger Tour у Астане з прызавым фондам $40 тыс., паведамляе карэспандэнт БЕЛТА.

Сёння ў паядынку 1/16 фіналу Ягор Герасімаў, які займае 897-е месца ў сусветным рэйтынгу, перайграў у дзвюх партыях шведскага тэнісіста Леа Борга, у якога 391-я пазіцыя, - 7:5, 6:4. У матчы за выхад у чвэрцьфінал Ягор Герасімаў сустрэнецца з расіянінам Яўгенам Філіпавым (649-ы нумар рэйтынгу АТР). Яшчэ адзін беларус - Аляксандр Згіроўскі (657) - у цяжкім трохсэтавым паядынку адолеў грузінскага тэнісіста Сабу Пурцэладзэ (436) - 3:6, 7:5, 7:5. У вырашальнай партыі беларус уступаў 3:5, але потым змог выйграць чатыры геймы запар. Сустрэча прадаўжалася 2 гадзіны 20 мінут. У 1/8 фіналу сапернікам Згіроўскага будзе аўстрыец Нейл Аберляйтнер (543).

Таксама сёння на жаночым турніры WTA-250 у Варшаве з прызавым фондам $259 тыс. дзве беларускія тэнісісткі правядуць паядынкі першага раўнда адзіночнага разраду. Аляксандра Сасновіч (75) будзе сапернічаць з чэшскай тэнісісткай Каралінай Мухавай (18). Юлія Гатоўка (240), якая прабілася ў асноўную сетку, атрымаўшы дзве перамогі ў кваліфікацыі, сустрэнецца з францужанкай Джэсікай Паншэ (140).

Спаборніцтвы ў Астане і Варшаве завершыцца 30 ліпеня.

версія для друку

зрабіць стартавай

дабавіць у выбранае