Падзеі, факты, анонсы

Футбалісты Беларусі абыгралі каманду Літвы ў матчы Лігі нацый

16 лістапада, Мінск /Кар. БЕЛТА/. Футбалісты нацыянальнай зборнай Беларусі перамаглі каманду Літвы з лікам 2:0 у перадапошнім паядынку групавога этапу Лігі нацый УЕФА, паведамляе карэспандэнт БЕЛТА.

Сваю пятую сустрэчу ў 4-й групе лігі С на полі мінскага стадыёна "Дынама" беларусы пачалі актыўна і двойчы паразілі вароты гасцей. На 5-й мінуце гульні Яўген Яблонскі адкрыў лік ударам з сярэдняй дыстанцыі, а праз 15 мінут Макс Эбонг падвоіў перавагу беларускай каманды. Пасля перапынку ініцыятывай больш валодалі літоўцы, гаспадары адказвалі вострымі контратакамі, але рэзультат першага тайма не змяніўся.

Сустрэча першага круга ў літоўскай сталіцы завяршылася ўнічыю - 2:2.

У другім матчы пятага тура гэтага квартэта футбалісты Албаніі ў горадзе Тырана атрымалі перамогу над гасцямі з Казахстана з рэзультатам 3:1.

Турнірнае становішча пасля пяці гульнявых дзён: Беларусь - 10, Албанія - 8, Літва - 5, Казахстан - 4.

У паядынках заключнага тура 18 лістапада падапечныя Міхаіла Мархеля згуляюць у горадзе Тырана з албанцамі, а казахстанцы прымуць у Алматы літоўскіх футбалістаў.

версія для друку

зрабіць стартавай

дабавіць у выбранае