Падзеі, факты, анонсы

Дні культуры Егіпта пройдуць у Беларусі ў 2019 годзе

Фота МЗС

12 сакавіка, Мінск /Кар. БЕЛТА/. Дні культуры Егіпта пройдуць у Беларусі ў 2019 годзе. Такая дамоўленасць дасягнута 12 сакавіка ў час сустрэчы Надзвычайнага і Паўнамоцнага Пасла Беларусі ў Егіпце Сяргея Рачкова з міністрам культуры Егіпта Інес Абдэльдаем, паведамілі БЕЛТА ў прэс-службе МЗС Беларусі.

На сустрэчы абмеркаваны стан і перспектывы развіцця двухбаковага супрацоўніцтва ў сферы культуры. Адзначаны станоўчы вопыт узаемнага ўдзелу ў культурных мерапрыемствах, праводзімых у Беларусі і Егіпце, уключаючы міжнародны фестываль мастацтваў "Славянскі базар у Віцебску" і міжнародны фестываль анімацыйнага кіно ў Каіры. Разгледжаны каляндар маючых адбыцца культурных падзей і ўдзел у іх прадстаўнікоў дзвюх краін.

Бакі таксама дамовіліся аб устанаўленні прамога супрацоўніцтва паміж Нацыянальным акадэмічным Вялікім тэатрам оперы і балета Беларусі і Каірскім оперным тэатрам.

версія для друку

зрабіць стартавай

дабавіць у выбранае