Падзеі, факты, анонсы

Дараховіч: 18 краін ужо заявіліся да ўдзелу ў II Гульнях краін СНД

13 чэрвеня, Мінск /Кар. БЕЛТА/. 18 краін ужо заявіліся да ўдзелу ў II Гульнях краін СНД, паведаміў журналістам першы намеснік міністра спорту і турызму Аляксандр Дараховіч, перадае карэспандэнт БЕЛТА.

"Мы разлічваем, што канчатковая лічба будзе вядома да 4 ліпеня. На бягучую дату мы маем 18 краін. З іх 8 краін СНД", - сказаў Аляксандр Дараховіч.

Выязное пасяджэнне Савета пастаянных паўнамоцных прадстаўнікоў дзяржаў - удзельніц Садружнасці пры статутных і іншых органах Садружнасці праходзіць сёння ў Мінску. Галоўная тэма мерапрыемства - падрыхтоўка да II Гульняў краін СНД у Рэспубліцы Беларусь. Пастаянныя прадстаўнікі пабывалі на Нацыянальным алімпійскім стадыёне "Дынама", дзе наведалі тэставыя спаборніцтвы па лёгкай атлетыцы, скаладром і цір з арганізацыяй магчымасці стральбы з пнеўматычнай зброі. Затым пабывалі ў Беларускім дзяржаўным універсітэце фізічнай культуры, дзе азнаёміліся з арганізацыяй работы аперацыйна-каардынацыйнага цэнтра II Гульняў краін СНД, наведалі спартыўныя аб'екты ўніверсітэта і тэставыя спаборніцтвы па сучасным пяцібор'і.

Пасяджэнне Савета пастаянных прадстаўнікоў праходзіць на базе Нацыянальнага алімпійскага камітэта Беларусі.

версія для друку

зрабіць стартавай

дабавіць у выбранае