Падзеі, факты, анонсы

Беларусы выйгралі серабро і бронзу каманднага турніру па стральбе з вінтоўкі на II Гульнях краін СНД

8 жніўня, Мінск /Кар. БЕЛТА/. У спартыўна-стралковым комплексе імя Цімашэнкі прадаўжаюцца спаборніцтвы па кулявой стральбе ў рамках ІІ Гульняў краін СНД, паведамляе карэспандэнт БЕЛТА.

Праграму аўторка адкрылі спаборніцтвы ў стральбе з пнеўматычнай вінтоўкі са становішча стоячы сярод юнакоў, па выніках кваліфікацыі былі вызначаны прызёры каманднага першынства. Першая зборная Беларусі ў складзе Захара Сазонава, Арсенія Ліванцова і Ільі Ішчанкі заваявала сярэбраныя ўзнагароды, каманда "Беларусь-2", за якую выступалі Марк Новік, Валерый Міховіч і Арцём Разумкоў, выйграла бронзу. Перамогу ў гэтай дысцыпліне атрымала тройка з Расіі.

На гэты час у актыве беларускай каманды па кулявой стральбе 7 медалёў II Гульняў краін СНД - 3 залатыя, 2 сярэбраныя і 2 бронзавыя.

версія для друку

зрабіць стартавай

дабавіць у выбранае