Падзеі, факты, анонсы

Беларусы выйгралі чатыры бронзавыя медалі на чэмпіянаце Еўропы па муай-тай

Фота Мінспорту

13 снежня, Мінск /Кар. БЕЛТА/. У турэцкай Антальі прадаўжаецца чэмпіянат Еўропы па тайскім боксе з удзелам беларускіх спартсменаў, паведамілі БЕЛТА ў прэс-службе Мінспорту.

Удзел у кантынентальным першынстве прымаюць 142 атлеты з 24 краін. Удзел у паўфінальных паядынках прынялі шасцёра прадстаўнікоў беларускай каманды, чацвёра з якіх свае баі прайгралі, тым самым стаўшы ўладальнікамі бронзавых узнагарод. На трэцюю прыступку п'едэстала гонару ўзняліся Данііл Ярмоленка (у вагавой катэгорыі да 60 кг), Міхаіл Якімовіч (да 63,5 кг), Сямён Ступакевіч (да 71 кг) і Вольга Жураўская (да 67 кг).

Да фіналаў дабраліся дзве нашы дзяўчыны: Алена Ляшкевіч у вазе да 45 кг перамагла турчанку Гамзэ Яльчын і ў вырашальным паядынку пазмагаецца з украінкай Ганнай Аваковай. Дзіяна Емяльянава была мацнейшай за Гулдэн Меркан з Турцыі, саперніцай беларускі па фінале будзе харватка Ана Баіч. Схваткі за золата з удзелам нашых спартсменак адбудуцца 14 снежня.

версія для друку

зрабіць стартавай

дабавіць у выбранае