Падзеі, факты, анонсы

Беларускія скакуны ў ваду заваявалі пяць узнагарод Гульняў БРІКС

Фота з архiва

18 чэрвеня, Мінск /Кар. БЕЛТА/. Скакуны ў ваду завяршылі выступленні на Спартыўных гульнях краін БРІКС у Казані, паведамляе карэспандэнт БЕЛТА.

У аўторак скакуны разыгралі чатыры камплекты ўзнагарод, беларускія спартсмены былі прадстаўлены ў трох фіналах і па выніках кожнага з іх адзначыліся на подыуме. У сінхронных скачках з трохметровага трампліна Уладзіслаў Сонін і Яўген Кандратовіч выйгралі бронзу, у гэтай жа дысцыпліне ў жанчын Аляксандра Альшанік і Алёна Забродская паказалі другі вынік. У сінхронных скачках з дзесяціметровай вышкі таксама сярэбранымі прызёрамі сталі Сяргей Малашонак і Аляксандр Каласкоў.

Такім чынам, за тры дні спаборніцтваў у басейне беларускія скакуны ў ваду заваявалі два сярэбраныя і тры бронзавыя медалі. Раней на трэцюю прыступку п'едэстала паднімаліся Аляксандра Альшанік (3м), а таксама Яўген Кандратовіч і Арына Папова (3м, мікст).

версія для друку

зрабіць стартавай

дабавіць у выбранае