Падзеі, факты, анонсы

Беларускія рэферы рассудзяць матч жаночай Лігі чэмпіёнаў паміж футбалісткамі "Брана" і "Ліёна"

Фота з архiва

20 снежня, Мінск /Кар. БЕЛТА/. Беларускія рэферы атрымалі чарговае назначэнне - матч групавога этапу жаночай Лігі чэмпіёнаў па футболе, паведамляе карэспандэнт БЕЛТА.

Галоўным арбітрам заўтрашняй сустрэчы ў нарвежскім Бергене паміж "Бранам" і французскім "Ліёнам" будзе Вольга Блоцкая. Адной з яе асістэнтак стане беларуска Настасся Данчанка, а другой - прадстаўніца Казахстана Наргіс Магау. Пасля першага круга спаборніцтваў у папярэдняй групе В футбалісткі "Ліёна", якія з'яўляюцца васьміразовымі пераможцамі ЛЧ, упэўнена лідзіруюць, набраўшы 9 ачкоў з 9 магчымых. Нарвежскі клуб ідзе другім, маючы ў сваім актыве 6 балаў, па адным ачку набралі аўстрыйскі "Санкт-Пельтэн" і чэшская "Славія" з Прагі.

Групавы этап жаночай чэмпіёнскай Лігі завершыцца 31 студзеня 2024 года, пасля чаго барацьбу ў плэй-оф прадоўжаць па дзве лепшыя каманды з чатырох квартэтаў. Чвэрцьфінальныя сустрэчы пройдуць у сакавіку, паўфінальныя матчы адбудуцца ў красавіку, а вырашальны паядынак за галоўны прыз 25 мая прыме іспанскі Більбаа.

версія для друку

зрабіць стартавай

дабавіць у выбранае