Падзеі, факты, анонсы

Беларускія пяціборцы выйгралі серабро каманднага турніру II Гульняў краін СНД

11 жніўня, Мінск /Кар. БЕЛТА. На базе Беларускага дзяржаўнага ўніверсітэта фізічнай культуры завершаны чарговы дзень спаборніцтваў па сучасным пяцібор'і II Гульняў краін СНД, паведамляе карэспандэнт БЕЛТА.

Па выніках фіналу індывідуальнага турніру сталі вядомы пераможцы і прызёры каманднага заліку. Прадстаўнікі Беларусі Аляксей Сафончык, Данііл Беляковіч і Мікіта Лысенка заваявалі сярэбраныя медалі, апярэдзіць нашу тройку здолелі толькі расіяне. Бронза - у спартсменаў з Казахстана. У асабістым заліку беларусы засталіся без узнагарод, лепшым з нашых пяціборцаў стаў Аляксей Сафончык, які заняў чацвёртае месца.

Напярэдадні золата і серабро індывідуальных спаборніцтваў у дзяўчат заваявалі наша Марыя Гнедчык і Міра Бурая, таксама зборная Беларусі атрымала перамогу ў камандным першынстве.

У суботу на спаборніцтвах па сучасным пяцібор'і адбудуцца мужчынская і жаночая эстафеты, а ў нядзелю пройдзе змешаная эстафета. Усяго ўдзел у спаборніцтвах у гэтым відзе спорту на Гульнях прымаюць юныя атлеты з 7 краін - Беларусі, Расіі, Егіпта, Кубы, Казахстана, Узбекістана і Кыргызстана.

версія для друку

зрабіць стартавай

дабавіць у выбранае