Падзеі, факты, анонсы

Беларускія гімнасткі выйгралі 15 медалёў на турніры ў Іспаніі

Фота Мінспорту

11 кастрычніка, Мінск /Кар. БЕЛТА/. У іспанскім Пладжа-дэ-Аро завяршыўся міжнародны турнір па мастацкай гімнастыцы Golden Cup - 2022 з удзелам беларускіх спартсменак, паведамілі БЕЛТА ў прэс-службе Мінспорту.

Па выніках спаборніцтваў нашы грацыі заваявалі 9 залатых і 6 сярэбраных узнагарод. Чатырохразовай пераможцай турніру стала Аліна Гарнасько, якая выйграла практыкаванні з абручом, мячом, стужкай і булавамі. Чэмпіёнкай у жаночым мнагабор'і стала наша Лізавета Зоркіна, другое месца ў гэтым відзе заняла яшчэ адна беларуска Дар'я Ткачова. Таксама на рахунку Зоркінай і Ткачовай па дзве сярэбраныя ўзнагароды ў асобных практыкаваннях.

Лепшую суму балаў у мнагабор'і сярод юніёрак набрала наша Аліна Рэчкіна. Акрамя таго, у актыве беларускі залатыя медалі па выніках выступленняў з мячом, булавамі і стужкай, а таксама серабро за практыкаванне з абручом.

Акрамя беларускіх грацый, удзел у турніры Golden Cup прынялі спартсменкі з Іспаніі, Андоры, Францыі, Украіны, Латвіі, Бельгіі і Канады.-0-

версія для друку

зрабіць стартавай

дабавіць у выбранае