Падзеі, факты, анонсы

Беларускія баксёры заваявалі 21 медаль міжнароднага турніру памяці Лівенцава

Фота з архiва

24 лістапада, Мінск /Кар. БЕЛТА/. У сталічным Палацы спорту завяршыўся юбілейны ХХ Міжнародны турнір па боксе памяці Віктара Лівенцава, паведамляе карэспандэнт БЕЛТА.

Заключным паядынкам на турніры стаў фінал у вагавой катэгорыі да 92 кг у мужчын, дзе наш Уладзіслаў Смяглікаў нанёс паражэнне прадстаўніку Кыргызстана Бакыту Тактасуну. Гэты залаты медаль стаў для беларускай каманды сёмым, раней перамогі на мемарыяле Лівенцава атрымалі Дзяніс Салоцкіх, Яна Бурым, Ала Івашкевіч, Арына Данільчык, Аліна Вебер і Вікторыя Кебікава.

Усяго нашы спартсмены заваявалі на спаборніцтвах 21 узнагароду, у тым ліку шэсць сярэбраных і восем бронзавых. На другую прыступку п'едэстала гонару паднімаліся Арцём Орсіч, Раміл Аліеў, Артур Туніеў, Марыя Піліпенка, Таццяна Трушкіна і Улада Базылевіч. Трэція месцы ў сваіх вагавых катэгорыях занялі Іван Захаранкаў, Аляксандр Доўнар, Кірыл Самадураў, Уладзіслаў Марчык, Маргарыта Банюшэвіч, Аляксандра Карповіч, Вікторыя Тэліман і Маргарыта Кісялёва.

Удзел у міжнародным турніры памяці Віктара Лівенцава прынялі баксёры з Беларусі, Расіі, Таджыкістана, Кыргызстана, Казахстана, Кітая, Туркменістана і Конга, якія разыгралі 20 камплектаў медалёў (12 у мужчын і 8 у жанчын). Арганізатарамі спаборніцтваў выступілі Міністэрства спорту і турызму, Нацыянальны алімпійскі камітэт, Мінгарвыканкам і Беларуская федэрацыя бокса.

версія для друку

зрабіць стартавай

дабавіць у выбранае