Падзеі, факты, анонсы

6 Чэр 2022

Беларуска Арына Сабаленка паднялася на 6-е месца ў рэйтынгу WTA

6 чэрвеня, Мінск /Кар. БЕЛТА/. Пасля фінішу адкрытага чэмпіянату Францыі беларуска Арына Сабаленка паднялася на адну пазіцыю і займае 6-е месца ў абноўленым сёння рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

На кортах "Ралан Гарос" лепшая беларуская тэнісістка дайшла да 1/16 фіналу і цяпер у яе 3966 ачкоў. Вікторыя Азаранка знаходзіцца на 19-м радку (2330 ачкоў), Аляксандра Сасновіч, якая ўпершыню ў кар'еры згуляла ў 1/8 фіналу French Open, паднялася на 11 радкоў і займае 36-е месца (1341).

Першае месца захавала за сабой чэмпіёнка парыжскага турніру Іга Свёнтэк, а фіналістка "Ралан Гарос" амерыканка Коры Гауф з 23-га месца перамясцілася на 13-ы радок.

Першая дзясятка рэйтынгу WTA:

1. Іга Свёнтэк (Польшча) - 8631 ачко;

2. Анет Кантавейт (Эстонія) - 4326;

3. Паўла Бадоса (Іспанія) - 4245;

4. Унс Джабір (Туніс) - 4150;

5. Марыя Сакары (Грэцыя) - 4016;

6. Арына Сабаленка (Беларусь) - 3966;

7. Караліна Плішкава (Чэхія) - 3678;

8. Джэсіка Пегула (ЗША) - 3255;

9. Даніэль Колінз (ЗША) - 3255;

10. Гарбінье Мугуруса (Іспанія) - 3060.

У рэйтынгу Асацыяцыі тэнісістаў-прафесіяналаў (АТР) лепшы з беларусаў Ілья Івашка займае 49-е месца (1035), яшчэ адзін беларускі тэнісіст Ягор Герасімаў знаходзіцца на 149-й пазіцыі (429).