Падзеі, факты, анонсы

Беларускі тэнісіст Ілья Івашка стаў чвэрцьфіналістам турніру ў Марсэлі

Ілья Івашка. Фота tennis.by

17 лютага, Мінск /Кар. БЕЛТА/. Беларускі тэнісіст Ілья Івашка выйшаў у чвэрцьфінал адзіночнага разраду турніру катэгорыі АТР-250 у французскім Марсэлі з прызавым фондам 544,2 тыс. еўра, паведамляе карэспандэнт БЕЛТА.

У паядынку 1/8 фіналу беларус, які займае 49-е месца ў сусветным рэйтынгу, усяго за гадзіну абыграў у дзвюх партыях італьянскага тэнісіста Стэфана Травалью, які знаходзіцца на 119-й пазіцыі, - 6:1, 6:3. Наступным сапернікам Ільі Івашкі будзе пераможца сённяшняй сустрэчы, у якой французскі тэнісіст Жо-Вілфрыд Тсонга (243-і нумар рэйтынгу АТР) згуляе з дзявятай ракеткай планеты Феліксам Ажэ-Альясімам з Канады. У першым крузе Івашка абыграў славака Норберта Гомбаша (114) - 7:6 (7:5), 6:3. У стартавым матчы парнага разраду беларус Андрэй Васілеўскі і прадстаўнік Манака Рамэн Арнеода ўступілі польскаму дуэту Шымон Валкаў / Ян Зялінскі - 2:6, 2:6.

Спаборніцтвы ў Марсэлі завершацца 20 лютага.

версія для друку

зрабіць стартавай

дабавіць у выбранае