Падзеі, факты, анонсы

Беларускі тэнісіст Ягор Герасімаў выйшаў у 1/4 фіналу турніру ў Нур-Султане

Ягор Герасімаў. Фота з архіва

28 кастрычніка, Мінск /Кар. БЕЛТА/. Беларускі тэнісіст Ягор Герасімаў (83-і нумар сусветнага рэйтынгу) прабіўся ў чвэрцьфінал турніру ў Нур-Султане з прызавым фондам $273,3 тыс., паведамляе карэспандэнт БЕЛТА.

Сёння ў 1/8 фіналу сапернікам Ягора Герасімава быў чэшскі тэнісіст Іржы Веселы (66), якога ён перамог у трохсэтавым паядынку - 4:6, 6:3, 6:4. Сустрэча доўжылася 1 гадзіну 50 мін.

У стартавым матчы спаборніцтваў у сталіцы Казахстана беларус перамог паўднёваафрыканскага тэнісіста Лойда Харыса (80) - 6:3, 3:6, 7:6 (7:3).

У чвэрцьфінале Ягор Герасімаў будзе сапернічаць з амерыканскім тэнісістам Фрэнсісам Ціяфа (64).

У першым раўндзе парнага разраду беларус Андрэй Васілеўскі і ізраільцянін Ёнатан Эрліх сустрэнуцца з егіпецка-казахстанскім тандэмам Махамед Сафват - Дзяніс Яўсееў.

Турнір у Нур-Султане завершыцца 1 лістапада.

версія для друку

зрабіць стартавай

дабавіць у выбранае