Падзеі, факты, анонсы
Беларускі экіпаж перамясціўся на першае месца ў індывідуальнай гонцы танкавага біятлона ў Расіі
31 ліпеня, Мінск /Кар. БЕЛТА/. Першы беларускі экіпаж пад камандаваннем старшага прапаршчыка Сяргея Міхно перамясціўся на першае месца ў індывідуальнай гонцы танкавага біятлона, які праходзіць на падмаскоўным палігоне Алабіна (Расія). Такая інфармацыя размешчана на сайце Мінабароны Беларусі, паведамляе БЕЛТА
"Пасля пасяджэння судзейскай калегіі былі перагледжаны рэзультаты першага заезду 30 ліпеня. У выніку наш экіпаж стаў лепшым у сваім заездзе і замацаваўся на трэцім радку ў рэйтынгу экіпажаў з часам 22 хвіліны 22 секунды", - паведамілі ў Мінабароны. Беларускія ўдзельнікі традыцыйна паказалі высокі клас па стральбе. У рэйтынгавай табліцы Беларусь апярэдзілі толькі экіпажы з Расіі і Кітая.
Другі і трэці экіпажы выйдуць на трасу 1 і 5 жніўня адпаведна.
Першы этап танкавага біятлона - індывідуальная гонка - самы працяглы. Ён праводзіцца з 29 ліпеня па 6 жніўня. Па выніках індывідуальных заездаў будзе складзены рэйтынг лепшых экіпажаў. У паўфінальную эстафету выйдуць 12 каманд з 18. І толькі 4 лепшыя змогуць пазмагацца ў фінале за месцы на п'едэстале.
Танкавы біятлон з'яўляецца часткай Армейскіх міжнародных гульняў - 2017, якія праходзяць з 29 ліпеня па 12 жніўня на тэрыторыі пяці дзяржаў: Расіі, Казахстана, Беларусі, Кітая і Азербайджана. Праграма гульняў уключае 28 конкурсаў па палявой, паветранай і марской вывучцы, прычым пяць з іх праводзяцца ўпершыню.
версія для друку
зрабіць стартавай
дабавіць у выбранае