Падзеі, факты, анонсы

Беларускі баксёр Яўген Далгалевец стаў уладальнікам чэмпіёнскага тытула ЕBP

11 лістапада, Мінск /Кар. БЕЛТА/. Беларускі баксёр Яўген Далгалевец стаў уладальнікам чэмпіёнскага тытула па версіі ЕBP (Eurasian Boxing Parliament), паведамляе карэспандэнт БЕЛТА.

На вечары прафесійнага бокса ў сталіцы спартсмен зламаў супраціўленне Георгія Чалахсаева з Расіі. Бой прадоўжыўся ўсе 10 раўндаў. Абодва спартсмены, не саромеючыся, ішлі ў абмен ударамі. За кошт таго, што расіянін застойваўся каля канатаў і, працуючы другім нумарам, часта страчваў ініцыятыву, лепш выглядаў беларус, якому і дасталася перамога раздзельным рашэннем суддзяў. Лік - 96:94, 95:96, 98:92.

Гэта чацвёртая перамога Яўгена Далгалеўца на прафесійным рынгу. Раней ён у першых раўндах перамагаў сваіх апанентаў з Украіны Багдана Землянога і Уладзіслава Баранава, а таксама беларуса Андрэя Сталярчука.

версія для друку

зрабіць стартавай

дабавіць у выбранае