Падзеі, факты, анонсы

Беларус Уладзімір Шолахаў узяў серабро на II Гульнях краін СНД у стральбе з малакалібернага пісталета

9 жніўня, Мінск /Кар. БЕЛТА. У спартыўна-стралковым комплексе імя Цімашэнкі завершаны чацвёрты дзень спаборніцтваў па кулявой стральбе ў рамках II Гульняў краін СНД, паведамляе карэспандэнт БЕЛТА.

Спаборніцкую праграму серады закрываў фінал у стральбе з малакалібернага пісталета сярод юніёраў. Срэбраным прызёрам у гэтым відзе праграмы стаў беларус Уладзімір Шолахаў, асноўным сапернікам якога ў барацьбе за золата быў расіянін Ілья Суханаў. У асноўным раўндзе спартсмены набралі па 24 ачкі, і чэмпіён Гульняў вызначыўся ў перастрэлцы, якую выйграў Суханаў. Яшчэ адзін прадстаўнік нашай краіны Павел Мураўёў размясціўся на трэцяй пазіцыі. Раней Шолахаў і Мураўёў разам з Мікітам Кавалёнкам выйгралі серабро каманднага турніру.

Спаборніцтвы па кулявой стральбе ў рамках II Гульняў краін СНД завершацца заўтра. 10 жніўня спартсмены таксама разыграюць чатыры камплекты ўзнагарод: па два ў стральбе з малакалібернага пісталета ў дзяўчат і з малакалібернай вінтоўкі ў юніёраў.

версія для друку

зрабіць стартавай

дабавіць у выбранае