Падзеі, факты, анонсы
Беларус Сяргей Вязовіч увайшоў у топ-10 шостага этапу і займае трэцюю пазіцыю ў агульным заліку "Дакара"
12 студзеня, Мінск /Кар. БЕЛТА/.
Як адзначылі ў камандзе, шосты адрэзак шляху паміж гарадамі Арэкіпа і Ла-Пас быў адным з самых спакойных з пачатку гонкі. Сур'ёзных аварый не адбывалася, і гоншчыкі маглі сканцэнтравацца на спаборніцкай частцы. У заліку грузавікоў перамог аргенцінец Федэрыка Вілагра
- 3 гадз 22 мін 23 сек. Лідар каманды "МАЗ-СПОРТаўта" Сяргей Вязовіч адстаў на шэсць мінут ад лідара і фінішаваў сёмым. Іншы беларус Аляксей Вішнеўскі заняў 12-е месца, яго партнёр Аляксандр Васілеўскі ў падагульняючым пратаколе апынуўся на 22-й пазіцыі.У агульным заліку класа грузавікоў першае месца прадаўжае займаць расіянін Эдуард Нікалаеў на КамАЗе, на другой пазіцыі Федэрыка Вілагра - +52 мін. Трэці радок генеральнай класіфікацыі займае Сергей Вязовіч - + 2 гадз 29 мін 42 сек.
У Ла-Пасе ўдзельнікі "Дакара" атрымаюць дзень адпачынку і магчымасць прывесці свае транспартныя сродкі ў парадак. Сёмы этап будзе складацца са спецучастка даўжынёй 368 км і фінішуе ў горадзе Уюні. Гэты маршрут добра вядомы гоншчыкам, аднак у выпадку непаладак, па правілах, на фінішы яны не змогуць скарыстацца дапамогай механікаў.
Беларускія гоншчыкі ўдзельнічаюць у ралі-рэйдзе "Дакар" сёмы раз. Уладальнікам каманды выступае Мінскі аўтазавод, тэхнічным партнёрам - тэлекам-аператар velcom. Асноўная мэта - увайсці ў лік мацнейшых экіпажаў па выніках ралі ў заліку грузавікоў. Марафон у гэтым годзе праходзіць па тэрыторыі трох краін - Перу, Балівіі і Аргенціны. Працягласць толькі скорасных участкаў складае 3,5 тыс. км, прычым большая частка маршруту прыпадае на высакагор'е. Завершыцца гонка 20 студзеня ў аргенцінскай Кордабе.
версія для друку
зрабіць стартавай
дабавіць у выбранае