Падзеі, факты, анонсы

Беларус Радзівон Цімошчанка стаў бронзавым прызёрам баксёрскага турніру II Гульняў краін СНД

10 жніўня, Віцебск /Кар. БЕЛТА/. Беларус Радзівон Цімошчанка стаў бронзавым прызёрам баксёрскага турніру II Гульняў краін СНД, перадае карэспандэнт БЕЛТА.

Бой Радзівона Цімошчанкі і спартсмена з Кыргызстана Зафарбека Камілава адкрыў дзённую сесію. У паядынку беларускі баксёр уступіў свайму саперніку. "Настроены далей займацца, ездзіць на спаборніцтвы і выйграваць, - сказаў Радзівон Цімошчанка. - Заўважыў, што пачаў завальвацца, стаў няправільна біць, ірваўся наперад і не ўсё рабіў па тэхніцы, а сапернік падхопліваў мяне ўдарамі. Але гэта добры вопыт і стымул працаваць далей".

Дома ў Гомелі за Радзівона балелі родныя і сябры. У Лядовай арэне Оршы, дзе праходзяць паядынкі, у беларусаў таксама ўтварылася моцная група падтрымкі. "Адчуваецца гэта падтрымка трыбун, калі мы выходзім. Яны за нас балеюць, і нам гэта дае больш сіл", - падкрэліў ён.

Самымі важнымі стартамі за чатыры гады ў боксе 16-гадовы спартсмен называе маладзёжны чэмпіянат Еўропы ў Ерэване ў бягучым годзе і II Гульні краін СНД. "Удзел у такіх стартах дае нам міжнародны вопыт і надае больш упэўненасці, - дадаў Радзівон Цімошчанка. - Буду прадаўжаць ездзіць на такія спаборніцтвы і старацца выйграваць".

Баксёрскі турнір II Гульняў краін СНД прымае Лядовая арэна Оршы з 6 па 12 жніўня. У ім удзельнічаюць прадстаўнікі 10 краін: Азербайджана, Арменіі, Беларусі, Кыргызстана, Расіі, Таджыкістана, Туркменістана, Узбекістана, а таксама Ірана і Пакістана. Сёння праходзяць паўфінальныя паядынкі сярод мужчынскай моладзі, напярэдадні завяршыліся жаночыя. Фіналы і цырымоніі ўзнагароджвання адбудуцца 11 і 12 жніўня.

версія для друку

зрабіць стартавай

дабавіць у выбранае