Падзеі, факты, анонсы

Беларус Ілья Івашка выйшаў у паўфінал тэніснага турніру ў Мюнхене

Ілья Івашка. Фота з архіва

30 красавіка, Мінск /Кар. БЕЛТА/. Беларускі тэнісіст Ілья Івашка (107-ы нумар сусветнага рэйтынгу) прабіўся ў паўфінал турніру катэгорыі АТР-250 у нямецкім Мюнхене з прызавым фондам 419,5 тыс. еўра, паведамляе карэспандэнт БЕЛТА.

Сёння ў чвэрцьфінальным паядынку беларус перамог шостую ракетку планеты прадстаўніка Германіі Аляксандра Зверава - 6:7 (5:7), 7:5, 6:3. Матч доўжыўся 2 гадзіны 35 мінут. Наступным сапернікам Ільі Івашкі будзе яшчэ адзін нямецкі тэнісіст Ян-Ленард Штруф (44).

У 1/16 фіналу Ілья Івашка перамог фіна Эміля Руусувуоры (75) - 6:1, 6:2, а затым перамог амерыканскага тэнісіста Маккензі Макдональда (127) - 6:7 (7:9), 6:1, 6:2 . У асноўную сетку гэтых спаборніцтваў беларус прабіўся праз кваліфікацыю, перамогшы паляка Каміла Майчрзака і літоўскага тэнісіста Рычардаса Беранкіса.

Турнір у Мюнхене фінішуе 2 мая.

версія для друку

зрабіць стартавай

дабавіць у выбранае