Падзеі, факты, анонсы

Азаранка перамагла на старце турніру WTA-1000 у Таронта

Вікторыя Азаранка. Фота Jimmie48

7 жніўня, Мінск /Кар. БЕЛТА/. Беларуская тэнісістка Вікторыя Азаранка з перамогі пачала выступленне на турніры WTA-1000 у канадскім Таронта з прызавым фондам $3,2 млн, паведамляе карэспандэнт БЕЛТА.

У матчы 1/32 фіналу экс-першая ракетка свету, якая займае цяпер 19-е месца ў рэйтынгу WTA, сустракалася з расіянкай НастассяЙ Паўлючэнкавай, у якой 29-я пазіцыя, і ўпэўнена выйграла ў двух сэтах - 6:2, 6:2. У другім раўндзе Азаранка згуляе з бельгійкай Грэт Мінен (74). Яшчэ адна прадстаўніца Беларусі, трэцяя ракетка планеты Арына Сабаленка, пачне спаборніцтвы з 1/16 фіналу, дзе яе саперніцай будзе пераможца паядынку паміж прадстаўніцай Іспаніі Крысцінай Букша (60) і кітаянкай Юэ Юань (42).

Чэмпіёнка турніру ў Таронта, што завершыцца 11 жніўня, заробіць 1000 рэйтынгавых ачкоў і $523,4 тыс.

версія для друку

зрабіць стартавай

дабавіць у выбранае