Падзеі, факты, анонсы

25 Крс 2022

Арына Сабаленка захавала чацвёртае месца ў рэйтынгу WTA

Фота з архiва

25 красавіка, Мінск /Кар. БЕЛТА/. Беларуска Арына Сабаленка засталася на 4-м месцы ў абноўленым сёння рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

Тыдзень таму перад турнірам у Штутгарце лепшая беларуская тэнісістка таксама займала чацвёртую пазіцыю, маючы ў сваім актыве 4711 ачкоў. Вікторыя Азаранка знаходзіцца на 17-м месцы (2281 бал), яшчэ адна беларуска Аляксандра Сасновіч займае 50-ю пазіцыю (1123).

Топ-10 рэйтынгу WTA:

1. Іга Свёнтак (Польшча) - 7181 ачко;

2. Паўла Бадоса (Іспанія) - 5045;

3. Барбара Крэйчыкава (Чэхія) - 4885;

4. Арына Сабаленка (Беларусь) - 4711;

5. Марыя Сакары (Грэцыя) - 4651;

6. Анет Кантавейт (Эстонія) - 4511;

7. Караліна Плішкава (Чэхія) - 4207;

8. Даніэль Колінз (ЗША) - 3151;

9. Гарбінье Мугуруса (Іспанія) - 3070;

10. Унс Джабір (Туніс) - 3015.

У рэйтынгу Асацыяцыі тэнісістаў-прафесіяналаў (АТР) лепшы з беларусаў Ілья Івашка па-ранейшаму займае 44-е месца (1099), яшчэ адзін беларус Ягор Герасімаў знаходзіцца на 150-й пазіцыі (412). На гэтым тыдні абодва беларускія тэнісісты згуляюць на турніры ў нямецкім Мюнхене.