Падзеі, факты, анонсы
Арына Сабаленка засталася на другім месцы ў рэйтынгу WTA
Фота з архiва
20 сакавіка, Мінск /Кар. БЕЛТА/. Беларуска Арына Сабаленка засталася на другім месцы ў рэйтынгу Жаночай тэніснай асацыяцыі (WTA), паведамляе карэспандэнт БЕЛТА.
Пасля выхаду ў фінал прэстыжнага турніру ў амерыканскім Індыян-Уэлсе лепшая беларуская тэнісістка мае ў сваім актыве 6740 ачкоў. Алена Рыбакіна, якая перамагла Сабаленка ў вырашальным матчы, паднялася на 7-е месца. Экс-першая ракетка свету беларуска Вікторыя Азаранка знаходзіцца на 16-й пазіцыі, набраўшы 2182 балы. Аляксандра Сасновіч займае 45-е месца (1174 ачкі).
Топ-10 рэйтынгу WTA:
1. Іга Свёнтак (Польшча) - 9975 ачкоў;
2. Арына Сабаленка (Беларусь) - 6740;
3. Джэсіка Пегула (ЗША) - 5605;
4. Каралін Гарсія (Францыя) - 4990;
5. Унс Джабір (Туніс) - 4976;
6. Коры Гаўф (ЗША) - 4401;
7. Алена Рыбакіна (Казахстан) - 3720;
8. Дар'я Касаткіна (Расія) - 3375;
9. Белінда Бенчыч (Швейцарыя) - 3360;
10. Марыя Сакары (Грэцыя) - 3191.
Рэйтынг Асацыяцыі тэнісістаў-прафесіяналаў (АТР) узначальвае іспанец Карлас Алькарас. Лепшы з беларускіх тэнісістаў Ілья Івашка займае 80-е месца (696).
Першая дзясятка рэйтынгу АТР:
1. Карлас Алькарас (Іспанія) - 7420;
2. Новак Джокавіч (Сербія) - 7160;
3. Стэфанас Цыцыпас (Грэцыя) - 5770;
4. Каспер Рууд (Нарвегія) - 5560;
5. Данііл Мядзведзеў (Расія) - 4330;
6. Фелікс Ажэ-Альясім (Канада) - 3415;
7. Андрэй Рублёў (Расія) - 3390;
8. Хольгер Рунэ (Данія) - 3325;
9. Хуберт Гуркач (Польшча) - 3065;
10. Тэйлар Фрыц (ЗША) - 2975.
версія для друку
зрабіць стартавай
дабавіць у выбранае