Падзеі, факты, анонсы

Ансамбль трамбаністаў і калектыў А.M.A.D.I.S. Brass выступяць у Камернай зале Вялікага тэатра

Фота тэатра

5 чэрвеня, Мінск /Кар. БЕЛТА/. Ансамбль трамбаністаў і калектыў А.M.A.D.I.S. Brass выступяць 8 чэрвеня ў час канцэрта "Новае дыханне" на сцэне Камернай залы Вялікага тэатра, паведамілі БЕЛТА ў прэс-службе тэатра.

Гукі трамбона заўсёды робяць вялікае ўражанне на слухача, гэты інструмент выдатна чуваць у любым аркестры: сімфанічным, эстрадным, духавым, біг-бэндзе. Выдатныя кампазітары, такія як Бетховен і Мендэльсон, называлі трамбон чароўным інструментам. А ў XX стагоддзі трамбон пачаў шырока выкарыстоўвацца ў джазе. Калі сабраць нейкую колькасць гэтых інструментаў разам, можна атрымаць надзвычайны эфект і ўразіць гледачоў сілай уздзеяння трамбона.

У выкананні сямі трамбонаў 8 чэрвеня прагучыць музыка Шастаковіча і Пракоф'ева, Рубінштэйна і Гендэля, Верхельста і Педэрсена.

А.M.A.D.I.S. Brass (англійскае слова brass абазначае "медныя духавыя інструменты", аднак, акрамя труб, валторны, трамбона і тубы, у ансамблі ёсць і ўдарныя) парадуе джазавымі кампазіцыямі Манчыні і Кларка, Пенела і Фейдмана, музыка Мілера і Уільямса і інш.

У канцэрце таксама прыме ўдзел Віктар Пузыня (кларнет). Мужчынскі калектыў удзельнікаў канцэрта і гучанне духавых інструментаў упрыгожыць партыя фартэпіяна ў выкананні Юліі Шчарбаковай і партыя скрыпкі ў выкананні Аніты Малюгінай. Рэжысёр праекта-Наталля Кузьмянкова, вядучая - Вольга Кажгаліева.

версія для друку

зрабіць стартавай

дабавіць у выбранае