Падзеі, факты, анонсы

Амаль 1,5 тыс. ветэранаў Вялікай Айчыннай вайны пражывае ў Беларусі

З надыходзячым Днём Перамогі ў Гродне павіншавалі ветэрана Вялікай Айчыннай вайны Валянціну Баранаву

4 мая, Мінск /Кар. БЕЛТА/. Амаль 1,5 тыс. ветэранаў Вялікай Айчыннай вайны і амаль 8,5 тыс. грамадзян, якія пацярпелі ад наступстваў вайны (пераважна гэта былыя вязні канцлагераў), пражывае сёння ў Беларусі, паведаміла журналістам намеснік міністра працы і сацыяльнай абароны Марына Арцёменка, перадае карэспандэнт БЕЛТА.

З кожным годам змяншаюцца рады ветэранаў - тых, хто змагаўся і выйшаў пераможцам. Самым "маладым" удзельнікам вайны цяпер 96 гадоў.

Па ўсёй краіне ў гэтыя дні праходзяць ушаноўванні ветэранаў, увязаныя з выплатай матэрыяльнай дапамогі, святочныя мітынгі, ускладанні кветак, у тым ліку ва ўстановах сацыяльнага абслугоўвання. У віншаванні актыўна ўключаны грамадскія аб'яднанні, маладзёжныя арганізацыі. Да 9 Мая таксама прымеркавана адкрыццё сацыяльна значных аб'ектаў.

Больш таго, штогод у краіне па рашэнні кіраўніка дзяржавы да 9 Мая праводзяцца выплаты матэрыяльнай дапамогі. У гэтым годзе яе памеры павялічаны - ад Br850 (для асоб, якія пацярпелі ад наступстваў вайны) да Br2 тыс. (для ўдзельнікаў і інвалідаў вайны). Выплата матдапамогі праходзіць па 4 мая. На сённяшні дзень яе атрымалі 10 тыс. чалавек на агульную суму Br9,5 млн.

версія для друку

зрабіць стартавай

дабавіць у выбранае