Падзеі, факты, анонсы

Алімпіяда-2024: Залатой стаў фіналістам спаборніцтваў у акадэмічным веславанні

1 жніўня, Мінск /Кар. БЕЛТА/. Беларускі спартсмен Яўген Залатой выйшаў у фінал турніру адзіночак у акадэмічным веславанні на XXXIII летніх Алімпійскіх гульнях у Парыжы, паведамляе карэспандэнт БЕЛТА.

Выступленні на парыжскай Алімпіядзе Залатой пачаў у першы дзень 27 ліпеня, атрымаўшы перамогу на папярэдняй стадыі. Праз трое сутак Яўген паказаў лепшы час ужо ў чвэрцьфінальным заездзе. Сёння беларус прыняў удзел у другім паўфінале, дзе кампанію яму склалі весляры з Грэцыі, Харватыі, Германіі, Даніі і Румыніі. Дыстанцыю 2 км Залатой пераадолеў за 6 мін. 39,01 сек. і фінішаваў другім, уступіўшы толькі немцу Оліверу Цайдлеру. Абодва спартсмены прайшлі ў вырашальны заезд, разам з імі прайшоў грэк Стэфанас Нтускас.

Раней сёння за выхад у галоўны фінал у жаночай адзіночцы спаборнічала наша Таццяна Клімовіч, але ў сваім паўфінале беларуска стала пятай і трапіла ў заезд за падагульняючыя 7-12 месцы. Фінал А ў мужчын з удзелам Залатога і фінал В сярод жанчын з удзелам Клімовіч пройдуць на Алімпійскім водным стадыёне ў Вер-Сюр-Марн 3 жніўня.

версія для друку

зрабіць стартавай

дабавіць у выбранае