Падзеі, факты, анонсы

Аляксандра Сасновіч перамагла Вікторыю Азаранка ў 1/16 фіналу турніру ў Берліне

Фота з архiва

21 чэрвеня, Мінск /Кар. БЕЛТА/. Тэнісістка Аляксандра Сасновіч перамагла Вікторыю Азаранка і выйшла ў другі раўнд адзіночнага разрада турніру WTA-500 у Берліне, паведамляе карэспандэнт БЕЛТА.

Сустрэча дзвюх беларусак пачалася яшчэ 20 чэрвеня ўвечары. У першай партыі саперніцы па чарзе выходзілі наперад, але ў канцоўцы больш паспяховай аказалася Сасновіч - 6:4. У пачатку другога сэта тэнісісткі ўзялі свае падачы, і пры ліку 1:1 гульня была спынена з-за надыходу цемнаты. Сёння пасля аднаўлення барацьбы Аляксандра таксама была мацнейшая - 6:4. У 1/8 фіналу Сасновіч сустрэнецца з грэчаскай тэнісісткай Марыяй Сакары. Арына Сабаленка, якая перамагла ў 1/16 фіналу расіянку Веру Званарову - 6:3, 6:2, у другім крузе згуляе з яшчэ адной расіянкай - Веранікай Кудзярметавай.

На турніры ў брытанскім Бірмінгеме беларуска Лідзія Марозава і бразільянка Інгрыд Марцінс выйшлі ў чвэрцьфінал парнага разраду, дзе заўтра згуляюць з польска-амерыканскім тандэмам Магда Лінет / Бернарда Пера. 

Спаборніцтвы ў Берліне і Бірмінгеме фінішуюць 25 чэрвеня.

версія для друку

зрабіць стартавай

дабавіць у выбранае