Афіцыйны сайт Рэспублікі Беларусь
Прэзідэнцкія выбары-2025 у Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

9 Стд 2025

Ад класікі да джаза. "Студзеньскія музычныя вечары" 37-ы раз пачаліся ў Брэсце

Ад класікі да джаза.

9 студзеня, Брэст /Кар. БЕЛТА/. У Брэсце 9 студзеня ва ўрачыстай абстаноўцы адкрылі 37-ы Міжнародны музычны фестываль класічнай музыкі "Студзеньскія музычныя вечары". Цырымонія адбылася ў абласным грамадска-культурным цэнтры, перадае карэспандэнт БЕЛТА.

Жыхарам і гасцям Брэста выдалася магчымасць з 9 па 12 студзеня атрымліваць асалоду ад сугучнасці мелодый. Сваёй творчасцю слухачоў парадуюць беларускія артысты і іх замежныя калегі. У першы дзень на сцэну фестывалю выйшаў сімфанічны аркестр "Гродзенскай капэлы" ў суправаджэнні салістаў.

Начальнік упраўлення культуры Брэсцкага аблвыканкама Сяргей Панасюк звярнуў увагу, што "Студзеньскія музычныя вечары" з'яўляюцца культурным брэндам Брэста. Практычна за 40 гадоў існавання фестывалю ў ім прынялі ўдзел вакалісты і інструменталісты з больш як 40 краін свету. "Студзень для Брэста, жыхароў горада і яго гасцей - гэта месяц, насычаны падзеямі і фестывалямі. Яркай падзеяй з'яўляюцца "Студзеньскія музычныя вечары". Гэты фестываль ужо на працягу амаль 40 гадоў радуе і слухачоў, і прафесіяналаў-музыкантаў. За гэты час мы ўбачылі вялікую колькасць маэстра, віртуозаў. Спадзяюся, і 37-ы фестываль падорыць на працягу чатырох дзён незабыўныя вечары", - сказаў Сяргей Панасюк.

На сцэну на гэты раз выйдуць музыканты з Беларусі, Расіі, Грузіі, Сірыі. Дарэчы, свае відэапрывітанні прыслалі замежныя выканаўцы, якіх гасцінна прымала брэсцкая публіка ў мінулыя гады. Згодна з афішай, у Брэсцкім тэатры лялек 10 студзеня прадставяць аперэту "Вясёлая ўдава", а на наступны дзень атмасферу свята падорыць Калядны баль. У дзень закрыцця "Студзеньскіх музычных вечароў" запланавана выступленне Расійскага рагавога аркестра і салістаў, музычнай капэлы Sonorus. Жанравая разнастайнасць на сёлетнім фестывалі - ад класічнай музыкі да джаза.

У цэлым у Брэсцкай вобласці 2025 год абяцае быць насычаным культурнымі падзеямі. У прыватнасці, статус культурнай сталіцы Беларусі ганарова мае Іванава. Там запланавана шмат мерапрыемстваў рэспубліканскага і абласнога маштабу. У тым ліку праграму фарміруюць у кожным горадзе і раёне Брэстчыны.

Арганізатарамі міжнароднага фестывалю класічнай музыкі выступаюць Брэсцкія абласны і гарадскі выканаўчыя камітэты, Беларускі саюз музычных дзеячаў і Брэсцкае абласное музычнае таварыства.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі