XIV Рэспубліканскі фестываль нацыянальных культур у Гродне

Фестываль нацыянальных культур, які раней пачаўся ў рэгіёнах, сабраў каля 200 тысяч гасцей на яркім фінальным свяце ў Гродне. У бягучым годзе яго мерапрыемствы разгорнуліся не толькі ў гістарычным цэнтры каралеўскага горада, але і на Аўгустоўскім канале. Галоўная тэма – сям'я і яе каштоўнасці, у шырокім разуменні – сям'я народаў (а гэта 35 дыяспар!), якія дружна і мірна жывуць у Беларусі. У ходзе мерапрыемства на Алеі дружбы ў Каложскім парку дрэвы высадзілі прадстаўнікі Аргенціны, Манголіі, Камеруна, Егіпта, а таксама экзатычныя саджанцы дабавілі нігерыйцы і пакістанцы. Традыцыйна фестываль адкрыўся маляўнічым шэсцем ўдзельнікаў у нацыянальных касцюмах, якія з музыкай і танцамі прайшлі да Савецкай плошчы. Таксама разгарнуліся нацыянальныя падворкі (19), дзе наведвальнікаў здзіўлялі аўтэнтычнымі забавамі і, вядома, смачнымі традыцыйнымі стравамі.