Восень-2024 у Беларусі: каларытныя ўборы гарадскіх паркаў і вуліц, маляўнічыя пейзажы ў глыбінцы, фінальныя ноты ўборачнай на палях

"У вырай плывуць журавы і аблокі…" – напісаў пра беларускую восень паэт сярэдзіны ХХ стагоддзя Сцяпан Гаўрусёў. Зрэшты, у кожнага майстра нацыянальнай літаратуры ёсць і натхнёныя радкі, і цэлыя лірычныя творы, прысвечаныя чароўнасці роднай зямлі ў асеннім багацці фарбаў.

Восень 2024 года пераадолела экватар, пры гэтым жыхары і госці Беларусі паспелі адчуць яе ў самых розных дыяпазонах. Так, самае гарачае за 140 гадоў у гісторыі краіны лета заступіла за парог верасня, парадаваўшы сухім і анамальна цёплым для гэтага сезона надвор’ем: у паўднёвых рэгіёнах днём паветра прагравалася да 29°C! Пасля дажджоў у гарадах раптам зацвілі каштаны, якія паспелі ўжо скінуць лісце. Вучоныя растлумачылі феномен тым, што расліны ўспрынялі як вясну заканчэнне неспрыяльнага сухога перыяду, а значыць, завяршылі вымушаны стан спакою.

Кастрычнік прынёс ападкі, халодны вецер і рэзкае зніжэнне тэмпературы паветра ў сярэднім на 6 градусаў, але ўсё роўна гэта аказалася на адзін-паўтара градуса вышэй за кліматычную норму. Нягледзячы на туманы і першыя замаразкі раніцамі, сонечныя дні радуюць цяплом і па-сапраўднаму яркімі маляўнічымі пейзажамі. Тым часам у палях усё яшчэ кіпіць работа: аграрыі завяршаюць уборку агародніны – бульбы, цукровых буракоў, морквы, кукурузы на зерне і сілас… Дарэчы, канчатковыя вынікі па рэспубліканскім ураджаі-2024 будуць падведзены на фестывалях "Дажынкі" ў Гродзенскай і Магілёўскай абласцях.

На фота: прыродны пейзаж у Брэсцкай вобласці