У чаканні цуда: дабрачынная акцыя "Нашы дзеці" стартавала ў Беларусі

Рэспубліканская дабрачынная акцыя "Нашы дзеці" стартавала 9 снежня ў Нацыянальным цэнтры мастацкай творчасці дзяцей і моладзі ў Мінску. Навагоднія мерапрыемтсвы пройдуць па ўсёй краіне па 10 студзеня 2020 года. У рамках праекта кіраўнікі рэспубліканскіх органаў дзяржкіравання, мясцовых выканаўчых і распарадчых органаў наведаюць дзіцячыя інтэрнатныя ўстановы і дамы сямейнага тыпу, апякунскія і прыёмныя сем'і, сем'і, якія выхоўваюць дзяцей-інвалідаў, цэнтры карэкцыйна-развіваючага навучання і рэабілітацыі, бальніцы. Яны павіншуюць дзяцей з Новым годам і Калядамі, уручаць падарункі, дапамогуць у вырашэнні праблем. Чакаецца, што дабрачыннай акцыі таксама далучацца грамадскія аб'яднанні.