Зімовы сезон на гарналыжных курортах Беларусі: актыўны адпачынак, спаборніцтвы і вясёлы Сусветны дзень снегу-2018

Беласнежныя схілы і неверагодная прыгажосць вакол, экстрэмальныя спускі і скорасныя трасы на раўніне, асляпляльнае сонца следам за густым снегападам, азарт спаборніцтваў і вясёлыя забавы на свежым – марозным! – паветры... Менавіта такім запомніўся аматарам актыўнага адпачынку, гасцям беларускіх гарналыжных курортаў Сусветны дзень снегу, дэвіз якога ў 2018 годзе – "explore, enjoy, experience" (вывучыць, атрымаць асалоду, адчуць).

Цяперашняя зіма ў Беларусі не так часта радавала сапраўды снежнымі днямі, таму імклівая змена надвор'я якраз да міжнароднага свята для многіх стала выдатным стымулам падключыцца да зімовага марафону – стаць на лыжы і снаўборды, сесці на скорасныя цюбінгі – і лавіць "снежны момант". Дарэчы, у знакамітых "Сілічах", каб на схілы паспелі ўсе жадаючыя, з 20 студзеня даступны начныя катанні пры святле магутных пражэктараў. А ў Мінску спецыяльна да міжнароднага свята для аматараў здаровага ладу жыцця адкрылася і раўнінная лыжная траса, куды можна прыйсці ўжо ў 6.00 раніцы.

Яркія кадры і незабыўныя эмоцыі ўдзельнікаў самага снежнага свята – у рэпартажы!