Geely Atlas

Флагманская мадэль новага завода – красовер Geely NL3, які атрымаў сімвалічную назву Atlas. Каардынатар распрацоўкі – вядомы брытанскі дызайнер віцэ-прэзідэнт кампаніі Geely Automobile Holding Limited Пітэр Хорберы ў час прэзентацыі падкрэсліў: "Мадэль аўтамабіля Atlas распрацавана ў адпаведнасці са сваёй назвай, імем грэчаскага Бога, які з'яўляецца сімвалам моцы і сілы, якому было даручана трымаць неба. Мы хацелі стварыць аўтамабіль, здольны пераадольваць суровую зіму і гарачае лета, захоўваючы сваё элегантнае самавалоданне". Выпускаць Geely Atlas будуць у чырвоным, белым, чорным і серабрыстым выкананні.

У пачатку 2018-га на новым заводзе – пасля дапрацоўкі кітайскімі партнёрамі – пачнуць выпускаць яшчэ дзве мадэлі: красовер NL4 (абноўлены Geely Emgrand X7) і седан FE3 (Emgrand 7), які прэтэндуе на статус народнага аўтамабіля ў Беларусі.

Пакуль аўтамабілі завода толькі на трэць ствараюцца з беларускіх кампанентаў, але ў бліжэйшых планах – лакалізацыя мінімум 50%: гэта неабходна, у тым ліку, і для выхаду на рынак ЕАЭС. Айчыннымі ў барысаўскіх Geely будуць рухавік, акумулятар, выхлапная сістэма, пярэдні і задні мост, сядзенні, колавыя дыскі і шыны. Дарэчы, Прэзідэнт паставіў задачу – стварыць уласнае канструктарскае бюро на базе новага завода СЗАТ "БелДжы".

Паводле папярэдняй інфармацыі, Geely Atlas, які хутка паступіць у салоны, можа каштаваць 17,5 – 18 тысяч долараў: і гэта цана ніжэйшая, чым у канкурэнтаў такога класа.

Урад Беларусі ўжо рыхтуе праграму стымулявання нацыянальнага попыту, дзякуючы чаму жыхары краіны змогуць атрымаць дадатковыя перавагі пры куплі: крэдытаванне, лізінг, выгаднае страхаванне... Але, зразумела, яшчэ больш маштабная задача – ва ўмовах вельмі высокай канкурэнцыі заваяваць пакупнікоў па ўсім свеце.