Адзін з этапаў вучэння "Захад-2017" адпрацаваны на Даманаўскім трэніровачным палігоне ВПС і ППА

19 верасня на Даманаўскім трэніровачным палігоне ВПС і ППА былі адпрацаваны задачы па ўзаемадзеянні паміж змешаным падраздзяленнем у складзе зенітнага ракетнага дывізіёна С-300 і зенітнай ракетнай батарэі "Аса" з падраздзяленнямі вайсковай ППА. Згодна з задумай вучэння, змешанае падраздзяленне ўдзельнічала ў адбіцці групавых удараў авіяцыі праціўніка, якія імітаваліся палётамі двух верталётаў Мі-8 і чатырох самалётаў Як-130. Баявую стральбу па паветраных мішэнях паспяхова ажыццявілі дзве пары баявых машын "Аса" і разлікі ЗРК "Ігла". У сумесным вучэнні быў задзейнічаны асабовы склад разлікаў у колькасці 150 чалавек і 45 адзінак ваеннай і спецыяльнай тэхнікі.