Міністры і дыпламаты сталі ўдзельнікамі велапрабегу па маляўнічых мясцінах Аўгустоўскага канала

18-кіламетровы велапрабег у падтрымку Мэт устойлівага развіцця ААН Bike4SDGs 2017 прадоўжыў традыцыю дабрачынных спартыўных мерапрыемстваў ААН на тэрыторыі Беларусі – упершыню ён прайшоў у 2016 годзе ў Налібоцкай пушчы. Арганізатары плануюць зрабіць мерапрыемства штогадовым: наступнай лакацыяй для яго правядзення будзе Белавежская пушча.

Беларускія міністры, прадстаўнікі акрэдытаваных у краіне дыпмісій, кіраўнікі прадстаўніцтваў ААН і замежных арганізацый, прадстаўнікі органаў улады і грамадскіх арганізацый, проста аматары веласіпедных прагулак і актыўнага адпачынку, у тым ліку людзі з абмежаванымі магчымасцямі, сталі ўдзельнікамі прабегу.