Свята Купалле "Александрыя збірае сяброў"-2017

Свята "Купалле" ў Александрыі, якое ў гэтым годзе набыло статус міжнароднага, запрасіла акунуцца ў атмасферу беларускіх традыцый і звычаяў. З году ў год самабытны фестываль, які ўжо стаў адной з самых яркіх культурных падзей Магілёўшчыны, пашырае геаграфію ўдзельнікаў і здзіўляе новымі рэкордамі: у 2016 годзе форум наведалі звыш 100 тысяч гасцей. Праграма-2017 уключала канцэрты эстрадных выканаўцаў і народных калектываў, тэатралізаваныя шоу, выстаўкі, прэзентацыі, рамесныя кірмашы, майстар-класы... Кульмінацыяй стала эстрадна-цыркавы паказ "Купальскі сон", у якім задзейнічаны больш за 1000 артыстаў і цыркавых калектываў з Беларусі, Расіі, Украіны, Літвы, Латвіі, Эстоніі і Польшчы. А фінальным акордам стаў фестываль феерверкаў і лазернае шоу на беразе Дняпра.