Алея памяці байцам батальёна міліцыі капітана Уладзімірава адкрыта пад Магілёвам

У вёсцы Гаі Магілёўскага раёна 1 сакавіка адкрыта Алея памяці байцам батальёна міліцыі капітана Канстанціна Уладзімірава, якія праявілі стойкасць і гераізм пры абароне ў 1941 годзе ад нямецка-фашысцкіх захопнікаў Магілёва. Алея памяці створана па ініцыятыве афіцэрскага сходу УУС, Магілёўскага інстытута МУС і Магілёўскага гарвыканкама. Карпатлівая работа ў архівах дала магчымасць устанавіць імёны 17 загінулых байцоў легендарнага батальёна. У гонар кожнага героя ўстаноўлены стэлы з чорнага граніту з ініцыяламі і гадамі іх жыцця, фатаграфіямі большасці міліцыянераў. Работа па пошуку іншых імён байцоў батальёна будзе прадаўжацца.