Дырэктар Нацыянальнага Полацкага гісторыка-культурнага музея-запаведніка Тамара Джумантаева

Дырэктар Нацыянальнага Полацкага гісторыка-культурнага музея-запаведніка Тамара Джумантаева падзялілася навіной: "Мы плануем выставіць у музеі помнік нацыянальнай кніжнай культуры – "Малую падарожную кніжку", надрукаваную Францыскам Скарынам у Вільні ў 1522 годзе, якая не так даўно папоўніла карпаратыўную калекцыю Белгазпрамбанка".

Акрамя таго, да Дня беларускага пісьменства будзе выдадзены альбом пад умоўнай назвай "Музей і кніга" (дакладна яшчэ не вызначана). "Гэта будзе грандыёзны альбом выдавецтва "Беларусь". Мы прадставім 500 гадоў беларускага кнігадрукавання ў рэтраспектыве і зробім гэта праз наш музей. Пакажам, што ў нас ёсць, прадэманструем феномен беларускага кнігадрукавання. Прэзентацыя выдання павінна адбыцца ў верасні ў Полацку"...