Палац Рэспублікі

Будаўніцтва Палаца Рэспублікі на цэнтральнай плошчы Мінска – Кастрычніцкай – пачалося яшчэ ў 1985 годзе. І ў многім гэта быў унікальны аб'ект: пры ўзвядзенні выкарыстоўваліся найноўшыя тэхналогіі і распрацоўкі, якія раней у краіне не прымяняліся. Поўнасцю палац быў гатовы да 31 снежня 2001 года: будынак 100х100 метраў узнімаецца над плошчай на вышыню 45 метраў і на 20 ідзе пад зямлю.

Сёння Палац Рэспублікі – буйны культурны і дзелавы цэнтр, месца правядзення важных грамадска-палітычных і міжнародных мерапрыемстваў. На яго сцэнах праходзяць канцэрты і спектаклі, выступаюць праслаўленыя калектывы і выканаўцы з Беларусі і розных краін свету.