Беларускі стралок Сяргей Мартынаў заваяваў бронзу на Еўрагульнях

Алімпійскі чэмпіён Сяргей Мартынаў заваяваў бронзавы медаль Еўрапейскіх гульняў у стральбе з малакалібернай вінтоўкі на 50 м. Праслаўлены беларускі стралок выйшаў у фінал з найлепшым рэзультатам, а ў вырашальнай "перастрэлцы" з 7 сапернікамі набраў 186,3 бала. Уладальнікам залатой узнагароды стаў нямецкі спартсмен Хенры Юнгхаенэль (208,5), серабро ў актыве італьянца Марка дэ Нікола (207,3).