Выстаўка "Дзеці вайны" ў музеі абароны Брэсцкай крэпасці

Унікальная выстаўка "Дзеці вайны" расказвае пра лёсы дзяцей камандзіраў галоўнай цытадэлі краіны, якія ў чэрвені 1941-га апынуліся ў эпіцэнтры ваенных дзеянняў. Усяго ў тыя страшныя гады на тэрыторыі Брэсцкай вобласці загінулі больш за 228 тысяч чалавек, з іх амаль 45 тысяч – дзеці. У экспазіцыі – 117 экспанатаў, сярод якіх фатаграфіі і ўспаміны, пісьмы, асабістыя рэчы і сувеніры, падораныя ў розны час музею. У цэнтры выстаўкі – фрагмент 300-метровага "Палатна міру", створанага ў 2007 годзе з каляровых абрэзкаў тканіны з дзіцячымі малюнкамі ў рамках аднайменнай акцыі ў Беларусі і Расіі.